Pero hai que salientar, continuou, "a importancia desta emblemática fortaleza no futuro, un futuro que aínda está por escribir pero que, dende o Concello de Santiago xa se está a construir". A continuación, Mercedes Rosón lembrou os dous proxectos de EDUSI-FEDER en proceso de execución, para comezar co acondicionamento exterior do castelo; e outro en fase de redacción, para a restauración da contorna dos ríos Sarela-Sar-Vilar, que inclúe unha sensa peonil entre o castelo e o camiño portugués a través dunha nova ponte sobre o Sar.

Mercedes Rosón apostou por seguir recuperando a memoria do castelo da Rocha Forte. "Recordando as palabras ao inicio deste libro: no esforzo común da veciñanza, dos profesionais e das administracións reside a auténtica afouteza que rodea este singular castelo medieval".

A concelleira rematou agradecendo "o importante traballo" das persoas e entidades que participaron na elaboración do libro: a Asociación Cultura A Rocha Forte, o persoal do departamento de arqueloxía do Concello, "o esforzo da súa autoria, Matilde González, xunto a outros colaboradores como a deseñadora Marta Fontán", que foron capaces de plasmar e ilustrar de forma tan notable a memoria recuperada", engadiu.

No acto de presentación tamén interviron o secretario xeral de Política Lingüística, Valentín García, Lola Cerqueiro, arqueóloga municipal e Carlos Delgado, presidente da Asociación Cultural Rocha Forte.