Sánchez Bugalllo presentou a Axenda Urbana da Eurorrexión a xestores/as de programas comunitarios de España, Portugal e Italia

29/11/2019
Mesa redonda

O alcalde de Santiago participou na mesa redonda "Eixo Atlántico (Cross border Portugal-Spain Urban Agenda)", dentro da xornada "Sharing experiences for the future in Spain, Portugal and Italy". Xosé Sánchez Bugallo presentou a Axenda Urbana da Eurorrexión Galicia-Norte de Portugal.

Esta Conferencia da Rede de Desenvolvemento Urbano, da Dirección Xeral de Política Rexional e Urbana (DG REGIO) tiña por obxecto por en común as experiencias en desenvolvemento urbano sustentable de España, Italia e Portugal. Participaron autoridades dos tres países e xestores/as das EDUSI dos mesmos, que analizaron tamén as perspectivas do novo período de programación de fondos europeos 2021-2027.